Convocóse la X edición del Concursu Lliterariu de la Universidá d’Uviéu, empobináu al estudiantáu matriculáu nel cursu 2019-2020 en cualesquiera de les enseñances impartíes en centros propios de la Universidá d’Uviéu.
El concursu tien dos modalidaes: rellatu curtiu y poesía, y pueden presentase obres n’asturianu o en castellán. El premiu sedrá de 1.000 euros pa caúna de les categoríes y la espublización de la obra. Plazu de presentación: hasta’l 23 de setiembre de 2020.
