L’Asociación d’Escritores d’Asturies ta acabante convocar los Premios de la Crítica 2020 na so edición XX, el XV Premiu de les Lletres Asturianes, asina como’l premiu a columna periodística o conxuntu d’artículos.
Los premios van ser pa obra narrativa en castellán y narrativa n’asturianu, poesía en
castellán y poesía n’asturianu, pudiendo concedese un premiu per cada modalidá a un llibru d’un autor que naciera o viva n’Asturies.
Pue presentar obres propies o de terceros cualesquier persona física o xurídica, editaes ente’l 1 de xineru del añu 2019 y el 31 d’avientu del añu 2019, o nel so defectu, enantes de la fecha llende d’almisión d’esta convocatoria, pero col númberu del Depósitu Llegal correspondiente al añu 2019.
Nesti últimu casu, toa obra propuesta va quedar escluyida na siguiente convocatoria. En
cualesquier modalidá van quedar escluyíes aquelles obres que seyan reediciones espublizaes n’años anteriores, según les antoloxíes y obres completes. La fecha llende d’almisión ye hasta les 24 hores del día 30 d’ochobre de 2020. Les propuestes
van dir acompañaes d’un escritu qu’incluya títulu de la obra, autor,casa, teléfonu de contactu y llugar de nacencia, según la identidá de quien presenta la obra y una curtia valoración de la obra presentada. Amás van unviase cinco exemplares del llibru, per corréu postal a la siguiente dirección: Julia Urdiales Puerta (Asociación d’Escritores d’Asturies) Plaza Xeneral Primo de Rivera- 1, Pisu 10. Puerta 121. 33001. Uviéu.
