La Secretaría d’Educación, Universidá y Normalización Llíngüística de la FSA PSOE convoca’l tercer Concursu de microrrellatos en Twitter “Selmana Lletres FSA” col oxetivu de llanzar un menxaxe nes Redes Sociales al rodiu de la celebración de la XLI edición de la Selmana de les Lletres Asturianes.
El microrrellatu tien que ser «twitteáu» y etiquetáu con #SelmanaLletresFSA. L’autor/a tien de siguir la cuenta de Twitter de la FSA (@FSA_PSOE). Nun se van almitir les obres que nun contengan el hashtag #SelmanaLletresFSA. La temática ye llibre y nun pueden superar de los caracteres permitíos por Twitter (llargor máximu de 280 caracteres, incluyíu’l «hashtag»). Pue participar nel concursu tol públicu que desee, afitándose un máximu de dos participaciones por persona.
El plazu del concursu ábrese’l día 1 de setiembre de 2020 y zárrase’l día 25 de setiembre 2020. El xuráu va valorar los tweets unviaos, esbillando los 25 meyores microrrellatos. Los 3 primeros van recibir un llote de llibros y un diploma y el restu, un detalle y un diploma.
El xuráu va tar compuestu por Antón García, Director Xeneral de Política Llingüística del Gobiernu d’Asturies, Esther Prieto, poeta y editora en Ediciones Trabe, María Esther García, presidenta de l’Asociación d’Escritores d’Asturies, Inaciu Galán, escritor y periodista y María Luz Pontón, Secretaria d’Educación, Universidá y Normalización Llingüística de la Federación Socialista Asturiana FSA-PSOE.
