L’Asociaciones d’Escritores d’Asturies convoca otru añu más los premios de la Crítica y les Lletres d’Asturies. Ye la edición XXIII nel casu del primeru y la XVIII nel casu del segundu. Darréu, amuésense les bases pa la so participación en caún d’ellos.
XXXIII Premios de la Crítica d’Asturies
Van concedese premios a obres d’autores nacíos o nacíes o residentes n’Asturies en tres categoríes: Traducción, ensayu y lliteratura infantil y xuvenil, otorgándose un premiu a cada modalidá. Cualquier persona física o xurídica puede proponer obres pa estos premios.
Les obres presentaes han ser publicaes ente’l 1 de xineru del añu 2023 y el 31 d’avientu de 2024, quedando escluyíes reediciones, antoloxíes y obres completes, siendo la fecha llende d’entrega’l 30 d’ochobre a les 24:00 hores.
Cada propuesta ha incluyir el títulu de la obra, el nome del autor/a, identidá de quien presenta la obra, domiciliu, teléfonu de contactu, llugar de nacencia del autor/a, valoración breve de la obra y 5 exemplares del llibru. Too ello ha unviase a la sede de l’asociación (Asociación de Escritores de Asturias, Hotel de Asociaciones Santullano, C/ Rosa María Menéndez López, 48 ,33011 Uviéu).
El premiu va constar de la escultura «Apolo» del escultor Jaime Herrero y un diploma. El xuráu puede declarar desiertu’l premiu en cualquier modalidá.
XVIII Premios de les Lletres d’Asturies
Va concedese a un autor o autora nacíu, residente o vinculáu a Asturies, con una trayectoria que suponga una aportación especial a la lliteratura asturiana, pudiendo presentar candidatures namás los socios y socies de l’asociación al corriente de pagu.
La propuesta ha incluyir el nome del autor o autora propuesta, llugar y fecha de nacencia, dirección postal, teléfonu de contactu y currículum y méritos relevantes. Too ello ha unviase al corréu asociacionescritoresdeasturias@gmail.com enantes del 15 d’ochobre a les 24:00 hores. El ganador o ganadora va recibir como premiu la escultura «Apolo» de Jaime Herrero.
La composición de los xuraos, los nomes de los premios y les sos obres pa dambos concursos van facese públicus nun actu n’avientu d’esti mesmu añu.
