Entama la XXXVIII Selmana Negra de Xixón, un referente lliterariu a nivel européu, del 4 al 13 de xunetu. Como vien siendo vezu nestos postreros años, el llugar de celebración va ser nos antiguos tarrenes de Naval Xixón. Dientro de la so programación amplia, son delles les actividaes feches n’asturianu, onde s’inclúi la presentación del númberu nuevu de la revista Formientu. Darréu, amuésase la llista completa:
- Sábadu 5 de xunetu a les 21:00 hores – Presentación y entrega del catálogu de la esposición Viñetas Astures, con Isaac Miguel del Rivero, Albarto Vázquez García, Raquel Lagartos, Isra Álvarez, Guillermo Menéndez Quirós, Ruma Barbero y Enrique Carballeira. Moderen Arantxa Margolles y Norman Fernández. Na Carpa del Alcuentru.
- Domingu 6 de xunetu a les 21:30 hores – Presentación del proyectu Asturian Writers, con Miguel Rodríguez Monteavaro y Aníbal González. Na Carpa de les Cultures.
- Llunes 7 de xunetu a les 20:00 hores – Presentación del llibru Fuimos granos d’arena, cola autora Arantxa Margolles ya Inaciu Galán. Nel espaciu A Quemarropa.
- Martes 8 de xunetu a les 18:00 hores – Presentación de Por mi diba volver a nacer coles autores Ana Lamela Rey y Patricia Saiz y con Carla Miranda. Na Carpa de la Pallabra.
- Miércoles 9 de xunetu a les 19:00 hores – Presentación de Xiblón, menudu putiferiu, cola autora Esther García López y con Pedro de Silva. Na Carpa de les Cultures.
- Miércoles 9 de xunetu a les 19:30 hores – Presentación d’El Cuadernu de tierra col autor Pablo Antón Marín Estrada y con Ramón Lluis Bande. Na Carpa de les Cultures.
- Vienres 11 de xunetu a les 21:00 hores – 20 años de Formientu, con Inaciu Galán, Diego Solís y Claudia Elena Menéndez. Na Carpa de les Cultures.
