El Conceyu Mieres ta acabante de convocar la XXXII edición del Concursu Teodoro Cuesta de poesía n’asturianu, un premiu que cunta nel so palmarés con prestixosos nomes como Berta Piñán, Vanesa Gutiérrez, Xuan Bello o Lourdes Álvarez. Estes son les bases:

  1. Van poder participar toles persones que lo deseyen, presentando un poemariu inéditu, orixinal, escritu en llingua asturiana y que nun fuera premiáu en nengún concursu de poesía.
  2. Les obres de los aspirantes al premiu tendrán de ser apurríes al traviés de cualesquier de les dos modalidaes establecíes nel artículu 6 de les bases reguladores.
  3. Los trabayos presentaránse impresos por una sola cara en formatu DIN-A4 y van tener una estensión mínima de 500 versos.
  4. El plazu de presentación va ser de 15 díes hábiles dende la publicación del estractu d’esta convocatoria nel Boletín Oficial del Principáu d’Asturies, ye dicir, hasta’l 10 d’ochobre.
  5. El certame ta dotáu con un premiu de cuatro mil euros.

Artículos venceyaosMás del autor