La Diputación Provincial de Llión, al traviés del Institutu Llionés de Cultura, organismu autónomu dependiente de la mesma, convoca’l III Premiu de Lliteratura en Llionés Caitano Álvarez Bardón 2025. Esti concursu surde de la toma de consciencia sobre la diversidá llingüística de la provincia, que constitúi un patrimoniu cultural d’importancia, y de qu’existe una obligación legal específica de protexer el llionés. El concursu plantégase abiertu a obres escrites nes variedaes rexonales llioneses.
Presentación
El plazu de presentación va estendese mientres 3 meses dende la publicación de la convocatoria nel BOP de Llión, ello ye hasta’l 14 de payares de 2025. Los trabayos van presentase nun sobre zarráu, según les indicaciones de la base 5ª de la convocatoria, nel rexistru del Institutu Lleonés de Cultura (Edificiu Fierro, c/ Puerta de la Reina, 1 – 24003 León), seya directamente en persona o por mensaxería o corréu postal, dientro del plazu arriba indicáu.
Cada autor respuende de la propiedá intelectual de la obra presentada y de l’autoría de la mesma, garantizando que nun se trata d’una copia nin una modificación d’obra escrita por otra persona.
El tema de les obres ye llibre y el premiu inclúi 3.000 € y la publicación del testu ganador al cargu del Institutu Llionés de Cultura con una tirada inicial de 350 exemplares, de los cuales 35 van entregase al autor o autora como pagu únicu en conceptu de derechos d’autor pola primer edición.
Puedes consultar les bases completes del III Premiu de Lliteratura en Llionés Caitano Álvarez Bardón faciendo clic equí.
