Tribuna Ciudadana ta acabante de dar anuncia de la convocatoria d’un concursu lliterariu pa mayores de 65 años onde se pueden presentar obres n’asturianu. Dende Tribuna Ciudadana «vinimos entendiendo que la cultura forma parte de les necesidaes básiques de les persones, seya como quier la so edá y condición. Asina sobremanera, la nuesa asociación cultural tien una amplia trayectoria de respaldu a l’actividá lliteraria, especialmente reconocida pola so xestión del premiu lliterariu “Tigre Juan” que celebra anguaño’l so 44º certame y que cunta, dende 2014, col patrociniu de la Fundación Municipal de Cultura del Conceyu d’Uviéu. En paralelu a dichu certame, Tribuna Ciudadana entamó tamién el Certame de Mozos de relatos curtios, qu’anguaño celebra la so sesta edición. Con tou, la nuesa asociación entiende amás l’actividá lliteraria como una manera de fomentar la integración social».
Ye por ello, polo que se proxectó’l Primer Certame Lliterariu de Microrrelatos y Poesía
dirixíu al colectivu de mayores de 65 años residentes n’Asturies que pretende dar voz y espresividá artística con mires de contribuyir a la so atención ya integración na sociedá, en cuantes que colectivu especialmente vulnerable.
Para esta primer edición del Certame, van considerase especialmente aquelles obres lliteraries que contribuyan a la sensibilización en materia de transición enerxética de forma
que seya xusta, inclusiva y equilibrada, según aquellos que tengan como temática cuestiones como’l cambéu climáticu o’l despoblamientu rural.
Puedes lleer les bases completes del concursu calcando nesti enllaz.
