El Real Institutu d’Estudios Asturianos en colaboración cola Asociación d’Escritores d’Asturies entama nos próximos díes unes xornaes sobre la novela histórica n’Asturies, onde van tar aldericando delles figures de la lliteratura asturiana.
En primer llugar, el xueves 9 de payares a les 19:00hores va celebrase la charra «Novela histórica sobre la Edá Media», que va tar moderada por Alejandro García Álvarez-Busto y van participar los escritores Nicolás Bardio, Xandru Martino y Xulio Arbesú.
La segunda charra que va haber nestes xornaes va ser el día xueves 23 de payares a les 19:00 hores, que lleva por títulu «Novela histórica sobre la guerra civil y la posguerra», nel que van participar Francisco Álvarez, Cristobal Ruitiña y Dolfo Camilo Díaz, cola moderación de Pablo Corral.
Dambes charres van desendolcase nel Salón d’Actos del Real Institutu d’Estudios Asturianos d’Uviéu.
