L’escritor Gonzalo González Barreñada ye’l ganador de la novena edición del concursu de rellatos curtios ‘Xosé Caveda y Nava’ que convoca’l conceyu de Villaviciosa, con una dotación económica de 1000 euros y Mazana de Plata conmemorativa. El xuráu, que tuvo formáu poles escritores Lourdes Álvarez García y Beatriz Redondo Viado y el ganador de la edición anterior del concursu Abel Martínez González, escoyó ente toles obres presentaes la titulada ‘L’otru país’, que tres l’apertura de la plica resultó ser obra d’esti autor natural de Samartín del Rei Aurelio.
Gonzalo G. Barreñada ye llicenciáu en Xeografía y Historia especializáu n’Historia del Arte. Como poeta, tien publicaos cuatro poemarios ente los que destaquen 𝘌𝘭 𝘭𝘭𝘢𝘳 𝘯’𝘰𝘳𝘥𝘦 (Premiu Xuan María Acebal 2019) y 𝘊𝘢𝘳𝘵𝘦𝘴 𝘢𝘭 𝘵𝘳𝘦𝘴𝘭𝘭𝘶𝘻 (Premiu Teodoro Cuesta 2023). En narrativa, ganó’l premiu Xosefa Xovellanos en 2022 con 𝘌𝘭 𝘷𝘪𝘢𝘹𝘦 𝘥𝘦𝘭 𝘤𝘢𝘤𝘪𝘲𝘶e y, nel mesmu añu, l’Andrés Solar de Novela Curtia con 𝘓𝘢 𝘨𝘶𝘦𝘳𝘳𝘢 𝘥𝘦𝘭 𝘔𝘦𝘥𝘳𝘰𝘴𝘶. Tien publicaes, amás, les noveles 𝘓𝘢 𝘤𝘢𝘴𝘢 𝘥𝘦 𝘟𝘶𝘢𝘯 𝘉𝘶𝘦𝘭𝘨𝘢, La hestoria ensin contar, 𝘌𝘭 𝘝𝘢𝘭𝘭𝘦 𝘦𝘯𝘤𝘦𝘴𝘶 y la recopilación de relatos 𝘏𝘦𝘴𝘵𝘰𝘳𝘪𝘦𝘴 𝘥𝘦 𝘉𝘶𝘳𝘨𝘶𝘯𝘥𝘶, que lu confirmen como una de les voces más orixinales y talentoses de la lliteratura asturiana contemporánea.
