Col oxetivu de reducir l’efectu ecolóxicu y llegar a un mayor públicu, la revista Lletres Asturianes entamará a espublizase únicamente en formatu electrónicu a partir del númberu 122, ye dicir, a partir del mes de marzu de 2020, con consulta abierta nes plataformes de difusión normal:
– Plataforma REUNIDO, de la Universidá d’Uviéu (https://www.unioviedo.es/reunido/index.php/Lletres)
– La páxina web de la propia revista (www.lletresasturianes.com)
– La páxina web de l’Academia de la Llingua Asturiana (www.academiadelallingua.com/lletresasturianes)
D’esta forma, Lletres Asturianes algama una mayor dixitalización y modernidá, y los sos conteníos son de mayor algame pal públicu interesáu. Una adaptación a les tendencies editoriales cola que la revista garantiza una gran disponibilidá de conteníos al mesmu tiempu que reduz la buelga ambiental y caltién la periodicidá yá afitada (semestral, meses de marzu y ochobre).
