Si yes usuariu/a de twitter y te presta pola vida la poesía, puedes probar suerte nesti III Concursu de Poesía de Twitter que convoca La Secretaría d’Igualdá y Secretaría de Cultura de l’AMSU – PSOE.
El poema ye d’estructura y métrica llibre llimitáu polos 280 caracteres de Twitter, incluyendo’l hashtag #twitteaenigualdadoviedo y @psoe_oviedo. No que cinca al tema, valoraráse positivamente’l conteníu referente a la igualdá ente homes y muyeres, amás de la creatividá y orixinalidá del testu.
Podrán participar nel concursu toles persones que lo deseen, con un máximu de dos poemes por persona, los cualos tendrán de ser unviados al traviés del hashtag anterior y cola mención de @psoe_oviedo. El plazu tará abiertu dende’l 11 de marzu hasta’l 5 d’abril a les 24:00 hores.
El ganador o ganadora recibirá un únicu premiu que consistirá en dos entraes pa la obra de teatro La fiesta de Chivo, que tendrá llugar el 26 de xunu de 2020 nel Teatru Campoamor.
