El martes 18 d’ochobre a les 19:00 hores en Llibrería La Pilarica, va entamase un alcuentru poéticu ente Yolanda Castañu y Inaciu Galán. Ta enmarcao dientro del programa Afinidaes Electives del Plan de Fomentu de la Llectura del Ministeriu de Cultura y Deporte.
Inaciu Galán y González (Xixón, 1986) Doctor pola Universidá d’Uviéu cola tesis “La llingua asturiana nel Franquismu”, que foi calificada con Sobresaliente cum laude y propuesta a Premiu Estraordinariu de Doctoráu, Máster en Sociedá de la Información y el Conocimientu na Universitat Oberta de Catalunya (UOC), Graduáu en Periodismu pola Universidá a Distancia de Madrid (UDIMA), Diplomáu en Turismu y Especialista Universitariu en Xestión Cultural y Especialista Universitariu n’Asturies. Espaciu, patrimoniu, hestoria, cultura, pola Universidá d’Uviéu. Ta formáu como profesor na especialidá d’asturianu col Máster de Formación del Profesoráu. Pol so llabor a favor del asturianu foi reconocíu col Premiu Urogallo 2012 del Centru Asturianu de Madrid. En 2022 l’Academia de la Llingua Asturiana nomólu miembru de númberu de la institución.
Yolanda Castaño (Santiago de Compostela, 1977) ye una poeta gallega, traductora, editora y xestora cultural independiente. Amás de poemes sueltos en más de trenta llingües distintes, la so poesía publicóse en llibros individuales en traducción al inglés, francés, italianu, serbiu, macedoniu y armeniu, al pie de delles plaquettes que vieron la lluz en castellán, alemán, francés, croata, macedoniu, griegu y chinu. La crítica lliteraria actual ocupóse de la so poesía en diversos estudios, amosando interés por nuevu temes na so obra, como la guapura, la identidá o’l llinguaxe. L’autora ye una de les más firmes defensores de la llingua gallega como vehículu d’espresión lliteraria.
