‘Cuentos pequeñinos y grandes pa dormir y pa quedar espiertos’, ye la obra nueva de Paquita Suárez Coalla con ilustraciones de Francisco Pimiango que ta acabante asoleyar Ediciones Trabe.
Na obra Lucía, la protagonista, quier saber pa qué sirven les palabres y la madre, que nun lo sabe, esplíca-y lo que pue facer con elles: conta-y hestories bien guapes que la nena escucha colos güeyos reguilaos y ensin apistañar.
Paquita Suárez Coalla (Grullos, Candamu, 1965) ye escritora, traductora y profesora de castellán na B.M.C.C City University de Nueva York. Ente les sos obres destaquen ‘La mio vida ye una novela’ (2001), ‘Pa nun escaeceme’ (2003) y ‘El día que nos llevaron al cine’ (2007). En 2011 ganó’l premiu María Josefa Canellada de lliteratura infantil col llibru ¡Camín de lletres: d’Asturies a Nueva York¡ (2012).
