La editorial Trabe ta acabante sacar al mercáu, Sali y el mundu de colores. La obra ye’l resultáu d’un trabayu a comuña de trés persones, nel que caúna d’elles pon lo meyor del so llabor: Noelia Ordieres ufierta un testu cenciellu y apotáu, Ana Sáez del Arco les guapes ilustraciones y Rafa R. Valdés una mui bona traducción al asturianu.
Esti álbum ilustráu abre les ventanes del mundu de par en par pa qu’entren nél los colores de l’allegría y la diversidá, entreteniendo a grandes y pequeños.
Noelia Ordieres (Llanes, 1985) ye trabayadora social. Nesti momentu compaxina’l so trabayu como técnica nuna entidá del Tercer Sector colos sos estudios de doctoráu na Universidá Complutense de Madrid, asina como coles sos collaboraciones en Radio Kras. Ye tamién activista social comprometida cola llucha del Pueblu Sah.aragüi y cola defensa de la regulación de la eutanasia.
