El xuráu calificador del XVI Concursu de Rellatu Curtiu “L’horru d’El Carbayedo”, correspondiente al añu 2025, que convoca’l Conceyu d’Avilés (cola collaboración de l’Asociación de Vecinos El Hórreo del Carbayedo), dio yá’l so fallu.
El primer premiu, dotáu con 1.000 €, foi pal trabayu entituláu Barba, qu’al abrir la plica del autor resultó ser de Xuan Trenor Allen. El premiu finalista, dotáu con 800 €, foi pal trabayu entituláu La Decisión, qu’al abrir la plica resultó ser de Marisa López Diz.
El xuráu tuvo como presidente a Inaciu Galán, escritor, periodista, Doctor cum laude pola Universidá d’Uvieu y miembru de númberu de l’Academia de la Llingua Asturiana; como vocales a Susana Sela Rodríguez, investigadora de cultura tradicional asturiana, escritora y editora; y Montserrat Machicado Compañy, filóloga, especialista en llingua asturiana y responsable de la Estaya de la Llingua del Conceyu d’Avilés. La secretaria foi Teresa Pasarín Arne, Bibliotecaria de la Fundación Municipal de Cultura d’Avilés (ensin voz nin votu).
Nesta edición, recuperada dempués del parón qu’entamó en 2022, batióse’l récord de participación con 35 autores y 56 rellatos. El concursu convócalu’l Conceyu d’Avilés.
La entrega de premios va celebrase’l llunes 29 a les 11 la mañana na Casa Conceyu d’Avilés.
