El Conseyu de Gobiernu aprobó güei proponer al Conseyu Escolar del Institutu d’Educación Secundaria (IES) La Florida, d’Uviéu, el cambéu de denominación del centru, inauguráu en setiembre del 2024, pa que pase a llamase Xuan Bello, en memoria del escritor fináu’l 29 de xunetu.
Bello, yera natural de la llocalidá cuartana de Paniceiros, en Tinéu, anque pasó la mayor parte la so vida n’Uviéu. L’autor, una de les voces más respetaes de la lliteratura en llingua asturiana, foi un gran defensor del patrimoniu cultural y llingüísticu de la comunidá y exerció una potente influencia ndl sistema lliterariu asturianu, siendo de les plumes más visibles nel ámbitu internacional.
Ente otres reconocencies a la calidá de la so obra, recibió’l Premiu Nacional de Lliteratura Asturiana y el Ramón Gómez de la Serna, amás del Teodoro Cuesta de poesía. Collaborador habitual de los medios de comunicación asturianos y estatales, Bello destacó tamién na so faceta como traductor d’obres al asturianu.
Semeya: Inaciu Galán.
