L’Asociación cultural La Volandina convoca’l III Concursu de Microrrellatos con temática sobro Muyer ya igualdá de xéneru.
Los trabayos tendrán de ser orixinales, inéditos, escritos en llingua castellana o llingua
asturiana, ensin que llograren gallardón dalgunu enantes nin tean pendientes de fallu en nengún concursu.
El xéneru lliterariu va ser narrativa, en tipu de microrrellatu, con una estensión non
cimera a 120 palabres, en formatu Word. Van poder participar toles persones de cualesquier edá y llugar de residencia, con testos sobre la muyer, en delles temes o formes distintes, tratando temes d’igualdá d’oportunidaes ente muyeres y homes, en
cualesquier de les sos manifestaciones: repartida de xeres, roles y estereotipos, violencia de xéneru, diversificación d’estudios y oficios, medios de comunicación, etc. Amás de los drechos de la muyer, o un testu n’honor a dalguna muyer conocida o anónima pa resaltar
dalguna vida, obra o trayectoria significativa. Nun s’aceptará nenguna obra que nun
trate sobro esta temática esto ye contraria a ella.
Cada autor/a va poder presentar namás una obra. L’escritor o escritora, pol fechu de presentar el rellatu a concursu, afirma que la obra ye orixinal y de la so propiedá y, arriendes d’ello, faise responsable al respective de la so propiedá intelectual y patrimonial por cualesquier acción, reivindicación o cualesquier otra reclamación que nesi sentíu pudiera sobrevenir.
El plazu de presentación de les obres remata’l día 8 de marzu de 2019, a les
23:59 hores. Les obres han presentase per corréu lletrónicu a la dirección lavolandina@gmail.com col asuntu II Certame de Microrrellatu Día Internacional de la Muyer. Nel cuerpu del mensaxe han ponese los datos personales solicitaos (nome, edá, señes, oficiu y teléfonu de contactu) y el rellatu va dir nun ficheru axuntu col títulu va ser el del rellatu. Nos datos personales de menores, tendrán de figurar los de la persona responsable del mesmu.
Establécense dos categoríes de premios, xuveniles –hasta 18 años- y adultes
–dende 18 años- con trés finalistes en cada categoría. Los premios van ser trofeos
conmemorativos del eventu. Les obres ganadores, amás de les menciones especiales, van quedar en poder La Volandina, que s’acuta’l drechu a publicar, citando’l nome del autor
en llugar destacáu.
Los/es ganadores comprométense a participar nel actu de llectura de les obres que se va realizar el vienres 22 de marzu a les siete de tardar nel Casinu de Llanes o autorizar la llectura del testu en casu de incomparecencia por causa de fuercia mayor.
