Xicu taba yendo nun bus p’Uvieu pa dir a un cursu nomau de capacitación universitariu onde diben tener charles de catedráticos y presentaciones durante 2 dies pa facese a la universidá. La so faculta yera la de Xeoloxía. Al baxar del bus vio que na para taba esperandolu Xulia. Que yera una moza que foi compañera del en dalgún cursu nel institutu y que nel ultimu añu taba na clas de’l llau de Xicu. Yera una moza que facía ponese d’alcuerdu a profesores y alumnos (cosa que ye difícil) y yera que a tos ellos Xulia yos caía como el culu. A los sos compañeros porque sacaba un 8 y echabase a berrar porque según ella diben reñila en casa. Y a los profesores porque taba siempre quexándose entrugando y diciendo que había que camudar les feches de los esamenes. Y xunto con ella taben otres dos moces. Una nomabase Lena. Y Xicu conocíala de pola villa. Y de que de guajes fueron xuntos a una academia d’ingles durante varios años. Xicu facía el papel de graciosu y Lena el de empollona. Nun se llevaben nin bien ni mal si se veien pela cai diciense: Hola. Con una sorrisa un poco forza. Y xunto con Xulia y Lena taba una moza a la que Xicu nun conocía de na pero deseaba conocela porque yera mui guapa. Namas de baxar del bus Xulia espeto-y a Xicu: dixome Deva, la de Hestoria que: dibes facer tamién Xeoloxía y vine equi a esperate. Xicu alucino con lo cotilla que yera Xulia. Nel trayeutu de mediu quilometru que percorrieron despacin. Xicu foi a falar cola la moza guapa que resulto ser compañera de Lena nel colexu el Pilar de Pola Somieu. ¿Cómo te nomes? entrugo Xicu. Dora dixo ella. ¿D’onde yes? de la Pola que estudiaba nel Pilar con Lena. Yo na villa en Maestría. Yera casique tan alta como Xicu. Que pa ser un home 1.70m nun yera muncho pero pa una muyer yera reseñable. Según falaba Xicu con ella más guapa y más buena y paecía que taba. Además cuando atreviose a entruga-y que optatives escoyiste ella dixo: asturianu. ¿Así que asturianu? pero eso nun lo dan ellí abaxo nel Milán. Dixo Xicu. Sí ye verda pero mire los horarios y pueo facelo y dabame cosa dexalo porque prestabame muncho nel institutu. Dixo Dora. ¡Coño! una rapaza nacionaliega como yo que-y presta lo asturiano. Que más pue pedise guapa y coles mios aficiones. Dixo Xicu pa si. Llegaron a la faculta y al entrar a la xorna de presentación Xicu sentose al llau de Dora. Nun falaron muncho tuvieron atentos durante les 4 hores y aprovechaben a falar durante los 5 minutos de descansu que daben ca 2 hores. Cuando acabo esta xorna de presentación Xulia y Lena dixeron que quedabense a xintar per Uviéu y despidieronse de Xicu y de Dora. Xicu ya taba a soles con Dora y ensin esi par de incordios. Asina que fueron xuntos a la pará de bus Xicu naguaba porque el primer bus que pasara fuese el que va pa la villa y pa la Pola asina podíen dir xuntos. Pero nun foi asina y Xicu consideraba que dici-y a Dora: oye nun teo priesa espero per bus tuyu y asina vamos xuntos yera demasiao descarao. Así que cuando llego’l so bus monto y despidiose de Dora con ixuxú. Al día siguiente, Xicu llevantose naguando per ver a Dora. Y tuvo suerte el primer bus que paso pela villa foi el que vinía de la Pola y se dirixía a Uviéu. Asina que namás montar vio a la que tanto taba naguando per ver a Dora. Taba incluso más guapa que ayeri. Dora entamo a garrar confianza con Xicu y a facei entrugues que lu poníen per nerviosu. ¿Sales muncho de folixa pela nueche? entrugaba ella. Xicu respondía dubitativu: no muncho, no me presta. ¿Por qué? entrugaba ella. Porque nun nos presta. Nós somos más de echar panchangues a fútbol, baloncesto y tenis. Selemente salimos cuando hai dalguna folixa nel pueblu básicamente a ver los conciertos y tomar daqué. Dicía él. Asina foron falando d’eses y d’otres coses durante el trayeutu. Al llegar foron pal segundu y últimu día de les xornaes. Y nun toparon a Xulia y Lena cosa que nun preocupo lo más mínimo a Xicu. Entraron na clas y Dora topóse con una vecina de la Pola que daba la casualida taba estudiando Xeoloxía. Y además taba na delegación d’alumnos y una de les coses que tenía que facer yera dir a les xornaes de capacitación universitaria. Dixo a Xicu que si-y importaba que se sentara al llau de Dora. Dixebrando a la parexa. Xicu que diba dicir que no. Durante la charla de un catedráticu Xicu entamo a tar muncho más nerviosu de lo que nel ye normal y camentaba que tos taben mirando pa’l. Nun sabía p’onde mirar asina que fixó los sos güeyos nel profesor y nun la camudo en hora y tres cuartos. Anque el catedráticu dixo más de una vega falando d’educación que mirar direutamente a los güeyos nun taba bien Xicu nun podía evitalo. Yera pa evitar ver como les fleches de to la clas dirixiense al so cuerpu indefensu. De lo mal y triste que sintíase, malapenes podía evitar que-y cayeren les llarimes. Pero nun podía evitar tener los güeyos llorosos. Miraba de regüeyu, a la vecina de Dora y veía que tamién-y saltaben les llarimes nun sabía porque pero camentaba que yera porque taba viendolu como taba. Asina que camentaba que tenía que disimular diciase pa sí mesmu. Garraba’l boli y poníase como si escribiere pero nun escribía, poníase a da-y vueltes. Camudaba ente’l puñau de fueyes el blancu que tenía unes per otres. Nun soportaba la so situación si tuviere una bolsa plásticu pa tapase con ella de xuru que usabala. Cuando acabo la clas sintió como si mexiaba dempués de un mes ensin facelo y porfin la so vexiga podía descorchar. Intento disumular so desesperación per colar del aula cosa que nun foi cenciella. Y foi direutu al bañu miro’l caretu que tenía nel espeyu, echose augua fría na cara, intento respirar tranquilu pa descansar y coyer fuercies pero foi imposible. Asina que armose de valor y colo del bañu. Tamién colo del edificio ensin dispidise de Dora. Baxando les escaleres de entra na faculta topose Lena y Xulia que entraben. Y al velu colar entrugaron-y si ya marchaba. Y el dixo que sí. Entrugaron-y ¿por qué?. Y respondió con un: porque si desesperadísimu. Y que sorprendíoyos a Xulia y Lena. Yendo pela cai da igual a onde fuera sintía que diba escoltau un grupu xigantescu de xente que lu siguía porque diba na so mesma direición. Mientres que los que diben na contraria al cruzase con él clavaben-y una mirada que lu mataba. Ya na estación de tren. Vio lo que pa cualquiera sedría un home falando per el manos llibres del móvil pero pa’l foi un espía recibiendo ordenes. Ya nel tren sentose’l llau de un matrimoniu mayor que lu taba mirando y saltaben-y les llarimes. El percibiolo y uso la mesma táctica que nel aula fixo la so atención en una parexa que taben dándose arrumacos y que pa Xicu yeren les uniques dos persones del tren que nun taben mirandolu. Al llegar a la villa otru montón de xente escoltolu hasta casa y como’n Uviéu los que caminaben na direición contraria a la suya limitabense a clava-y la mirada. Al llegar a so casa y ver a sos pás rompe a berrar. Y termina ingresau nel área de Psiquiatría del hospital de la villa. Xicu nun volvió a ver más a Dora.
