Ana Isabel Medina Zarabozo(Torín, Piloña, 1984), profesora de música, llingua asturiana y ciclu sanitariu, va presentar el sábadu 2 de febreru a les 19 hores na Biblioteca de la Parroquia Rural de Villamayor, en Piloña, Carenda. Esta obra, asoleyada por Ediciones Trabe, ye la primera de l’autora y fíxose col «Teodoro Cuesta» de Poesía del añu 2016.
L’actu sedrá dientro del círculu Conversaciones nel Ábside cola participación del escritor Sidoro Villa Costales.
Carenda ye un topónimu, el nome d’una zona determinada del pueblu de Moñes, nel conceyu Piloña, que coincide col llugar onde s’atopó la famosa «diadema de Moñes», una de les obres d’orfebrería más importantes de l’Asturies prerromana. Carenda ta a pocos metros de la casa de l’autora y ye’l coral ancestral del que surden los sos poemes, caún a la so manera, allargaos, doloríos dalgunos, calmos o cansos, sigún el día. Versos como culiebra que s’arrastra «moína / hasta’l muráu de to casa», versos-badagüeyu del Barqueru y la chalana… Carenda ye un poemariu nada complaciente, que ye a remover la quietú de quien llee y a airear la poesía última escrita n’Asturies.
