El dibuxante y periodista Enrique Carballeira (L’Infiestu, 1970) ta acabante d’asoleyar el llibru «La llenda de l’ablanera» una hestoria navideña sobre la lleenda d’esti personaxe, asina como tres histories nes que podemos afondar nun universu de biesques, montes, maxa y personaxes mui orixinales. Trátase del primer álbum ilustráu del simpáticu personaxe de L’Ablanera que, amás de nesti llibru, el personaxe apaeció en dellos capítulos de «Los Cuentos de Trazu Sueltu», emitíos pol canal de televisión online «PlayPresta» y fechos pol autor.
El nuevu llibru cunta con ilustraciones a color y tien formatu cuadráu, con 36 páxines. Pue comprase online, pidiéndolu per email, o nes tiendes de l’Infiestu «Librería Rima», «Carmel» y «Librería Jambrina».
