Esti miércoles 8 de mayu va celebrase una nueva edición -la novena- del VERSOVERA, el recital poético-musical que se fai en Corvera con motivu de la Selmana de les Lletres Asturianes. Va ser a les 18:00 hores na Lechera de Cancienes y tan convidaos los y les poetes Berto García, Lourdes Álvarez, Solinca Turbón, Raúl Alonso y Miguel Rojo.
Tres el turnu de los y les poetes, Pandereteros d’Anguaño, una bandina que fai música pa baillar con polkes, xotes, muñeires, etc., pero con lletres «d’anguaño», van ser los encargaos de poner el ramu musical a un actu que yá ye un imprescindible na Selmana de les Lletres Asturianes.
