El llunes, 18 de febreru, Iniciativa pol Asturianu entama la presentación del poemariu tituláu “Aire, fuego y deseo” de Juan Carlos Hoyelos, un llibru que recueye dellos poemes en distintes llingües ibériques, ente les que s’alcuentra l’asturianu. La presentación de la obra va facela Inaciu Galán, presidente d’Iniciativa pol Asturianu, xunto a un miembru de l’Academia de la Llingua Asturiana.
L’actu sedrá de magar les 18:00 hores nel llar de l’Academia de la Llingua Asturiana (cai L’Águila 10) y cuntará cola participación de representantes de dellos escritores que recitarán poemes y cola actuación musical de Toli Morilla. Amás van proyectase videoclips de cantares incluyíos nel CD d’Aire, fueu y deséu.
Van recitar nel actu: Nicolás Bartolomé Pérez (escritor lleonés, miembru de l’Academia de la Llingua Asturiana y Faceira), Quique Díez Fernández (estudiante de filosofía), Roberto González-Quevedo (poeta y antropólogu lleonés), Nel Morán (escritor), Fernán Morán Suari (Presidente de la Lliga Celta d’Asturies), Xuan Miyar (escritor y miembru d’Iniciativa pol Asturianu), Xosé I. Pidal Montes (poeta), Víctor Suárez Piñero (escritor, mayestru y traductor) y Pablo Texón Castañón (poeta y mayestru).
