La editorial asturiana BaxAmar Editores vuelve con una nueva edición del so Premiu Nacional de Poesía Moza n’homenaxe a Juan Ignacio González. BaxAmar caracterízase pol so amor pola poesía, xéneru al que dediquen la so actividá editorial. Pero la so actividá tresciende’l llabor puramente editorial, implicándose na organización de recitales y otres iniciatives culturales empobinaes a la difusión y l’emponderamientu de la poesía. Darréu reprodúcense les bases íntegres del concursu:
BASES DEL III PREMIU NACIONAL DE POESÍA MOZA “JUAN IGNACIO GONZÁLEZ”
1. Establezse una categoría única, a la que van poder presentase toes aquelles persones residentes n’España, d’ente 18 y 38 años, cuyu testu tea escritu en castellán o asturianu.
2. El premiu va consistir en 600 euros, placa conmemorativa, diploma y la edición del llibru en Baxamar Editores. El/la premiáu/a va recibir 50 exemplares del mesmu.
3. La temática va ser llibre y la estensión de los trabayos va ser d’ente 500 y 800 versos.
4. Les obres van presentase en formatu dixital como archivu PDF, en diseñu de páxina DIN A4, con tipu de lletra Times New Roman de 12 puntos y interlliniáu 1,5. Les obres van unviase con nomatu per corréu electrónicu a la dirección bajamareditores@gmail.com col asuntu “III Premio de Poesía Joven Juan Ignacio González” y van axuntase dos archivos en PDF:
• Nel primer archivu, la obra, presentada con nomatu, que va indicase na portada, xunta’l títulu. Nin na obra nin nel archivu tien d’apaecer nengún datu que muestre la identidá del autor. Esti archivu va titulase: Títulu de la obra_OBRA.
• Nel segundu archivu, una plica, na que va indicase’l títulu de la obra, el nomatu y los datos del autor: nome y apellíos, númberu de DNI, casa, teléfonu, corréu electrónicu y una nota biográfica curtia. Esti archivu va titulase: Títulu de la obra_PLICA.
5. El plazu de presentación d’orixinales va empezar cola publicación d’estes bases y va concluyir el día 31 de marzu de 2026. Nun va ser aceptada nenguna obra unviada depués de la fecha. La organización resérvase’l derechu a declarar el premiu ermu. El xuráu va tar formáu por poetes de diverses provincies españoles.
6. El fallu del premiu va facese en directu al traviés del Instagram de la editorial el miércoles, 20 de mayu, a les 20:30 hores (d’haber cambeos d’última hora avisaríase al traviés del mesmu Instagram).
7. La entrega del premiu va tener llugar el sábadu, 13 de xunu del 2026, nel patiu del CCAI (Centru de Cultura Antiguu Institutu de Xixón) a les 18 hores. L’autor/a de la obra ganadora comprométese a asistir a la entrega y presentación en Xixón.
8. Los trabayos nun van ser devueltos y van eliminase definitivamente en cuantes se produza’l fallu del xuráu.
9. Nun van poder participar nel premiu les persones ganadores d’ediciones anteriores.
10. El fechu de presentase a esti premiu implica l’aceptación íntegra d’estes bases.
Dende Formientu animamos a toa aquella persona con enclín poéticu a participar nesti III Premiu Nacional de Poesía Moza n’homenaxe a Juan Ignacio González organizáu por BaxAmar.
