La Conceyalía de Cultura, Mocedá y Museos de Xixón, «nel so enfotu por favorecer y promover la creación lliteraria n’asturianu y al tiempu facer alcordanza de la figura del escritor xixonés Andrés Solar Santurio y la so querencia pola llingua de nueso y la so normalización social», convoca la cuarta edición del Premiu de novela curtia Andrés Solar Santurio, que tien como premiu la cantidá de 3.000€.
Pa poder participar han unviase dos sobres a llinguaasturiana@xixon.es o per corréu postal al Rexistru de la Fundación Municipal de Cultura, Educación y Universidá Popular (Cai Xovellanos 21, Xixón). D’una banda, un sobre colos datos del autor/a (nome, apellíos, señes y teléfonu). D’otra banda, el testu orixinal de la novela con 3 copies en DIN A4 a doble espaciu, per una cara con lletra Times New Roman 12 o asemeyao.
Les bases completes d’esta convocatoria pueden consultase na web del Conceyu de Xixón.
