El Certame Lliterariu de Patsuezu, que convoca l’Asociación d’Amigos de Sierra Pambley (AASP) de Vil.lablinu, fixo públiques les sos bases pa la so segunda edición de 2023. Los trabayos van poder tar escritos en cualesquier de les variantes d’esta llingua del noroccidente llionés y el suroccidente asturianu.
El certame nun va tener calter competitivu, sinón que se seleccionarán aquellos relatos que tengan cierta calidá pa ser publicaos. El premiu va consistir na publicación de los testos escoyíos nel llibru que l’asociación va editar por cuenta de esti certame. Pa la selección de los relatos, l’asociación va designar un xuráu formáu por delles persones rellacionaes col ámbitu cultural y lliterariu de la zona del patsuezu.
Les obres van poder ser presentaes en prosa o en versu. Los trabayos han ser inéditos. La convocatoria p’apurrir los relatos o poemes abre’l 1 de xunetu y va cerrase’l 20 de setiembre. Han ser presentaos en soporte informáticu, concretamente n’archivu Word o programa similar, con una estensión d’ente dos y diez páxines, con un espaciado de 1,5 y tipu de lletra Times New Roman, d’un tamañu de 12 puntos. Los trabayos han roblase so un pseudónimu y númberu de teléfonu y han de ser unviaos al corréu electrónicu
