La XLV Selmana de les Lletres Asturianes va dedicase a Conceyu Bable nel cincuenta aniversariu de la so apaición pública. Esta asociación contribuyó a la recuperación y a la reflexón colectiva sobre la llingua asturiana con campañes como «Bable nes escueles», que llegó hasta los últimos rincones d’Asturies.
Con mires de celebrar esta efeméride, la Conseyería d’Educación y la Viceconseyería de Cultura, Política Llingüística y Deportes del Principáu d’Asturies convoquen certámenes en llingua asturiana y en gallego-asturiano o eonaviego dirixíos a tol alumnáu en delles modalidaes artístiques a les que s’amiesta una nueva: Certame de Podcasts.
Con too ello, van ser cinco los certámenes desendolcaos por mor d’esta fecha: Creación artística/lliteraria, Creación audiovisual, Cartelismu, Teatru escolar y Podcasts. Puedes ver les bases completes ya inscribite calcando equí.
