Los Alcuentros de Poesía POEX, que van celebrar la so sesta edición en Xixón mientres el mes de marzu, tan acabante de convocar la IV edición del Concursu de Videopoemes. Les obres seleccionaes van proyectase dientro de la programación del POEX el sábadu 22 de marzu a les 12 hores. Estes son les bases:

1. Participación abierta, ensin restricción dala.

2. Solo s’acepten videopoemes. Entiéndese por ello una obra audiovisual na qu’haya un poema recitáu ya imaxes en movimientu. L’usu de la música o d’otros elementos sonoros ye opcional. Trátase, por tanto, d’una obra artística basada na integración d’imaxe en movimientu, soníu y llinguaxe verbal: instalación videopoética, net art, video clip, cinepoesía, etc.

3. Les obres presentaes tienen de cumplir los siguientes requisitos:

  • Duración máxima: 2 minutos, 15 segundos (2’ 15’’)
  • Idioma o subtítulu: castellán o asturianu
  • La temática ye llibre.
  • En relación cola tema central d’esta edición, va valorase la imbricación de poesía y música en cualesquier de los sos xéneros.
  • Respetar los derechos d’autor
  • Formatu: compatible cola proyección (MPG, MPEG, MP4, MKV)

4. Nun archivu Word nomáu PLICA, tien d’incluyise la siguiente información:

  • Nome y apellíu,DN,I Dirección postal, Corréu lletrónicu, Teléfonu de contactu, Títulu y ficha técnica de la obra presentada.
  • Testu: “Autorizo al Festival POEX a espublizar esti videu de forma gratuita, siendo la persona embaxo firmante propietaria de los derechos”. Firma y aclaración (nome completu) Esti archivu Word ten de ser unviáu cola obra.

5. Les propuestes de participación van unviase a partir del MARTES 28 DE XINERU DE 2025 hasta’l VIENRES 28 DE FEBRERU de 2025 a les 12:00H. Llamentablemente, toa propuesta que se reciba fuera de plazu nun va ser valorada.

6. Les obres van ser unviaes en formatu dixital al traviés de la plataforma WeTransfer, por aciu enllaz, al siguiente email: fmc@gijon.es

7. Ente los videopoemes recibíos, va faese una selección per parte d’un xuráu formáu pol alumnáu d’Hestoria del Arte, 2º cursu, de la Escuela Cimera d’Arte Dramático del Principáu d’Asturies (ESAD). Coordinación de Pedro Ignacio Ortega Sanz, director de la ESAD.

8. Les obres escoyíes van formar parte de la programación oficial del Festival POEX y van proyectase’l sábadu 22 de marzu a les 12:00h nel patiu del CCAI, see central del Festival POEX. En dichu actu fadráse entrega del premiu al so autor o autora.

9. La propiedá intelectual de les obres va ser de los sos autores.

10. La participación nesta convocatoria supón l’aceptación total de les bases.