El Trasiegu Fest, festival de la cultura sidrera asturiana contemporánea, ta acabante d’anunciar el concursu que va entamase en Cabranes. La celebración va desenvolvese na tarde del vienres 22 de setiembre y estes son les bases:
– Van poder participar toles persones que quieran, en dos categoríes, menores de 18 años y mayores de 18, rellenando esti formulariu. Nesi corréu tendrán d’incluyir namás el so nome, dos apellíos y fecha de nacencia. Les inscripciones van poder facese hasta’l 21 de setiembre del 2023 a les 23.59 hores.
– El concursu va consistir na ellaboración d’una pieza lliteraria, en prosa, versu o cualesquier otru formatu llibre, nun tiempu máximu de 30 minutos, a partir del tema y indicaciones que’l xuráu dicte nel momentu d’escomencipiar a escribir.
– El concursu va desenvolvese na Casa Cultura de Santolaya (Cabranes) dientro del Trasiegu Fest, el vienres 22 de setiembre del 2023, a partir de les 19:00 hores.
– Toles persones participantes van recibir un llibru como regalu.
– Van concedese trés premios (1.u , 2.u y 3.u ) pa cada categoría. Los ganadores van lleer los sos testos al públicu del festival esi mesmu día, tres el pregón.
