La Federación Socialista Asturiana, al traviés de la so Secretaría d’Educación, Universidá y Normalización Llingüística, convocó’l sestu concursu de microrrelatos en Twitter ‘Selmana de Les Lletres na FSA-PSOE/ Selmana das Lletras na FSA-PSOE’. El concursu tien como oxetivu llanzar un mensaxe al traviés de les redes sociales por cuenta de la celebración de la XLIV edición de la Selmana de Les Lletres Asturianes.
El plazu para presentar los trabayos, abiertu dende güei 19 d’abril, va rematar el próximu 30 d’abril. Les persones que deseyen concursar van poder escoyer llibremente la tema del microrrelatu, que tendrá de cuntar con una estensión máxima de los calteres dexaos en Twitter, y ser etiquetáu y tuiteáu con SelmanaLletresFSA; amás, el autor deberá ser seguidor de la cuenta de TWITTERFSA_PSOE.
Un xuráu compuestu por representantes del mundu de la cultura, el periodismu y la mesma dirección executiva de la FSA-PSOE, van valorar los relatos y van escoyer 25 finalistes de los cualos, los 3 primeros van llograr un premiu. Les bases del concursu pueden consultase na páxina web.
