L’Academia de la Llingua Asturiana abre les inscripciones de la olimpiada escolar de redaición «Urbano Rodríguez», que va cuntar con dos concursos, el de Primaria y el de Secundaria y Bachilleratu, pal alumnáu d’asturianu y d’eonaviegu.
La olimpiada va tener dos fases:
- Una primer fase en modalidá sincrónica a distancia, dende’l centru educativu, prevista pal 15 de payares.
- Una fase final presencial, nel llar de l’Academia de la Llingua Asturiana, prevista pal 18 d’avientu.
La inscripción va poder facese del 30 de setiembre al 31 d’ochobre, cada profesor/a d’asturianu dirixirá una solicitú a informacion@alladixital.org xunto con un certificáu de la Secretaría del so centru y un llistáu completu de participantes. La Secretaría de l’ALLA habrá confirmar toles solicitúes pel mesmu mediu. P’acoyer al alumnáu participante, los centros han tener ún o más espacios con cámara, pantalla y conexón a Internet.
El 15 de payares de 2024, a les 10 la mañana, celebraráse la primer fase de la Olimpiada, en modalidá sincrónica a distancia. El profesoráu de cada centru collaborará cola organización asesorando y arbitrando in situ con una rúbrica facilitada pola ALLA. Al traviés de videoconferencia, l’ALLA dará’l tema y les condiciones de la redaición xusto nel intre d’entamar la Olimpiada. En pasando una hora, el profesoráu collaborador recoyerá les redaiciones y tendrá hasta’l día 22 de payares pa resolver qué obres propón como finalistes (en centros con más de 50 persones inscrites en llingua asturiana nun podrán presentar más del 10% d’esi censu, nel restu de centros, hasta un máximu de 5), unviándoles escaniaes en PDF a informacion@alladixital.org xunto al modelu C (consultar nel apartáu
Tolos unvios habrá confirmalos la Secretaría de l’ALLA per esi mesmu mediu. OLIMPIADA ESCOLAR DE REDAICIÓN «URBANO RODRÍGUEZ» d. Llista de finalistes y convocatoria. Recibíes les redaiciones propuestes pol profesoráu, l’ALLA asoleyará’l 5 d’avientu una llista de finalistes de primaria y de secundaria y bachilleratu que’l xuráu podrá subcategorizar o non según el so propiu criteriu. Xunto a ella, espublizaráse tamién la convocatoria de la final, prevista pal 18 d’avientu. e. Final. Les y los finalistes habrán acudir a la convocatoria acompañaos pol profesoráu collaborador del so centru. Xusto enantes d’empezar a escribir, el xuráu dará les temátiques y condiciones de la redaición en cada categoría.
A xuiciu del xuráu, qu’evaluará la calidá y l’axuste a les normes de les redaiciones, repartiránse en cada categoría, que nun pueden quedar ermes, premios ente tolos finalistes, consistentes en material escolar, llibros, un elementu conmemorativu y un val d’ayuda pal profesoráu, al tenor del desplazamientu y el númberu de finalistes. Toles persones participantes van tener un diploma de la Olimpiada.
