La Fundación Juan Muñiz Zapico anunció la convocatoria del XXI Concursu de microrrellatos mineros «Manuel Nevado Madrid». El plazu d’almisión de microrrellatos va rematar el día 31 d’ochobre de 2024.
Van poder participar nesti concursu escritores de cualquier nacionalidá, siempres que les obres que presenten tean escrites en castellán o asturianu, seyan orixinales y nun fueren publicaes con anterioridá nin premiaes en nengún otru concursu. Va presentase un únicu relatu per cada autor o autora.
El conteníu va tener qu’aludir necesariamente a dalgún aspectu (motivos temáticos, personaxes, argumentu o ambientación) rellacionáu col mundu de la minería en cualesquier parte del mundu.
La estensión nun va entepasar los 2.800 calteres con espaciu, con cuerpu 12 y tipu Times New Roman o similar, pudiendo ocupar el microrrellatu un máximu d’una páxina en formatu foliu o DIN A4.
Les obres pueden presentase al traviés d’unu d’estos dos medios:
- Per corréu postal a la siguiente dirección: Fundación Juan Muñiz Zapico (Concursu de Microrrellatos Mineros “Manuel Nevado Madrid”). Cai Santa Teresa 15, 33005-Uviéu (Asturies)
- Per corréu electrónicu a la dirección fundacion.jmz@asturias.ccoo.es indicando nel Asuntu «Concursu de Microrrellatos Mineros “Manuel Nevado Madrid”».
Les persones participantes qu’unvien los sos relatos per corréu postal, tendrán que facelo nun sobre en que’l so interior tean:
- El microrrellatu. Tendrán De incluyir títulu y pseudónimu pero nunca datos personales.
- Sobre zarráu de la plica col pseudónimu y el títulu del microrrelatu na so portada; nel so interior, los datos personales del autor o autora: nome, apellíos y pseudónimu; casa; númberu de DNI o equivalente; títulu del microrrellatu; númberu de teléfonu y corréu electrónicu. Les persones participantes qu’unvien los sos relatos per corréu electrónicu, tendrán de venir de la siguiente manera:
- De manera separada, un archivu PDF del microrrellatu. Tendrán qu’incluyir títulu y pseudónimu, pero nunca datos personales, tanto nel nome del arquivu como nel microrrelatu.
- N’otru PDF, los datos personales: pseudónimu y el títulu del microrrellatu nel nome del archivu; nome, apellíos y pseudónimu; casa; númberu de DNI o equivalente; títulu del microrrelatu; númberu de teléfonu y corréu electrónicu.
Los premios otorgaos pa esta convocatoria son:
- Primer Premiu: 600,00€ en metálicu (cola consiguiente retención del IRPF suxeta gravame), más grabáu de Manuel Calvo y llote de llibros.
- Accésit Testimoniu Históricu: 300,00€ en metálicu más llote de llibros, pa obres que s’ocupen de fechos reales (biográficos, sindicales o sociopolíticos); siempres en relación colos conteníos históricos o acontecimientos asocedíos na contorna familiar o llaboral mineru.
- Accésit Mozu: 300,00€ en metálicu más llote de llibros, pa obres presentaes por autores o autores menores de venti años o que cumplan esa edá dientro del añu 2024, siempres rellacionaos col conteníu espresáu nel puntu númberu 2 d’estes bases. Pa participar nesti Accésit tendrá de facese constar la edá xuntu al pseudónimu del microrrelatu.
- Accésit Asturianu: 300,00€ en metálicu más llote de llibros, pa obres presentaes n’asturianu, siempres rellacionaos col conteníu espresáu nel puntu númberu 2 d’estes bases.