Ye tan sóledu que precisa incredulidá
por que daquién-y diere de papiar con fechiza delicatessen.
Ta tan mancáu pela brunoise que llevó a cabu col cuchiellu la cocina,
que yá nun arresponde nin pel aciu’l llinguax innecesariu la llevedá.
Papia con desdeñu de la mano d’otros
qu’enxamás teníen que da-y de papiar ya nun sabe’l nome
verdaderu’l golor de la tierra ensugao tres un orbayu incorreutu,
babaya deconstruición de nadries diseicionaes
de les que naide más va poder cabildrar.
Pue que’l términu «petricor» seya una ñueva aceición
del diccionariu de lo illimitao.
