L’autor xixoniegu Diego Solís, autor de «Volvemos en 6 minutos», va tar esti sábadu de 17:30 a 18:30 nel LABShop, mercáu d’iviernu que se celebra esta fin de selmana en Llaboral Centru d’Arte y Creación Industrial.

‘Volvemos en 6 minutos’ ye un llibru completamente innovador: colos spots que nos arrodien fai una obra poética qu’axunta tradición, cultura pop y una visión única de la realidá dende’l filu conductor d’un zapping televisivu.

El llibru, amás de tar organizáu d’esta manera conceptual, pue lleese o sintise, yá que los poemes van en cada páxina con un códigu QR nel que pue sintise al autor recitando les composiciones. Amás, el proyectu sofítase nes illustraciones de la diseñadora gráfica Inés H., inspiraes nos poemes del autor. Poesía que se llee y se siente, qu’entretién y emociona, que forma parte de la lltieratura pero tamién del mundu qu’habitamos: poesía total.