El pesu la llibertá, obra última publicada de Fernando González Rodríguez, va presentase esti sábadu 18 de mayu n’Uviéu. Va ser nel Llar La Llegra (cai Postigo Baxu 40) a les 19 hores.
La obra treslládase a finales del sieglu pasáu, cuando nel Estáu español entá llamaben a files a tolos mozos que cumplíen los 18 años pa cumplir un Serviciu Militar Obligatoriu de nueve meses. Munchos miles d’ellos declaráronse oxetores de conciencia y cumplieron la Prestación Social Sustitutoria. Otros, miles tamién, ficiéronse insumisos ñegándose tanto a la mili como a la PSS. N’Asturies los insumisos pasaron del centenar y de 1992 a 1997 diecinueve d’ellos pagaron pena de prisión nes cárceles d’Uviéu y Villabona, condergaos na so mayoría a dos años… L’autor del llibru foi unu d’ellos y va tar acompañáu de dos compañeros insumisos que tamién fueren presos na so dómina: Pin y Paco.
