L’asociación cultural Guah.es Terribles vuelve al mundu de la lliteratura con un nuevu aquelarre lliterariu, que yá suma trés ediciones y que se consolida como una de les actividaes principales de l’asociación nel mes de marzu.
La cita cola lliteratura va ser esti mesmu domingu 23 de marzu a les 18:00 hores na Llibrería-Café La Llocura (Cai Ayer 1, Mieres del Camín), un espaciu habitual onde se citen dalgunes de les meyores propuestes lliteraries del estáu.
Na tercer edición d’esta propuesta van pasar seis autores pel micru: Marta Mori, Ángeles Carbajal, Alejandra Sirvent, Solinca Turbón, Ánxela Gómez d’Ávila y Marina Pangua. Amás, tres d’ello el micro va tar abiertu pa quien quiera seguir cola dinámica llectora.
