El próximu xueves 9 de payares va celebrase en Llangréu un alcuentru alredor de la colección Calume d’Ediciones Trabe, onde Rafael R. Valdés va participar como director de la colección en xunto con trés traductores de la mesma: Miguel Sánchez Canella (traductor de ‘Guillem’), Eloy Antuña Zamarro (traductor de ‘Kim’) y Daniel García Granda (traductor de ‘En llucha incierta’).
Nesti alcuentru van falar de lo qué quier ser esta colección de traducción y de cómo ven los traductores el presente y el futuru de la traducción lliteraria al asturianu; tamién van tener oportunidá de facer balance d’estos años y de los nueve títulos publicaos pel momentu. L’actu va facese na Casa de los Alberti en Ciañu a les 20 hores y la entrada ye llibre y de baldre.
