Alba Quintas entamó la so aventura nel mundu editorial a los diecisiete años como ganadora del premiu Jordi Sierra i Fabra con Al otro lado de la pantalla (Ediciones SM, 2012). De magar esti premiu, nun dexó de cuntar hestories, con más de diez noveles espublizaes. Escribió noveles como La flor de fuego (Nocturna, 2017) , La memoria del errante (Fandom Books, 2021) y Desértica (La esfera azul, 2023). Tamién adaptó la novela Celia en la revolución, d’Elena Fortún, pal Centru Dramáticu Nacional. Anguaño trabaya como productora y representante de la compañía de ficción sonora De viva voz, y les sos dramaturxes fueron representaes en teatros de prestixu como’l Teatro Valle-Inclán o’l Teatro del Barrio.
Na so estancia na Residencia Lliteraria Xixón, Alba Quintas va trabayar nun proyectu de novela que tien en marcha “La idea de este proyecto surgió durante un taller de novela corta con Pilar Quintana. Fue en un ejercicio muy sencillo, donde teníamos que resumir una posible trama de una novela corta en apenas un par de líneas. Estas son las palabras que hay escritas en mi cuaderno: «Es la historia de un internado femenino religioso en el que hay fantasmas”.
Residencia Lliteraria Xixón
L’escritor y xestor cultural Inaciu Galán vivió nesti espaciu a lo llargo de cuasi una década y en 2023 pon a disposición l’apartamentu pa la creación lliteraria dende Xixón, buscando tender pontes con otres lliteratures, otres llingües, otres cultures… La Residencia Lliteraria Xixón abrió les sos puertes cola estancia del escritor y traductor inglés Robin Munby, qu’a finales de 2023 tuvo llevando alantre un proyectu de traducción d’obres n’asturianu al inglés, que nestos meses dio frutos yá con delles obres asoleyaes en revistes lliteraries del ámbitu anglosaxón.
