Les XLI Xornaes Internacionales d’Estudiu entamaes pola Academia de la Llingua Asturiana van celebrase’l 7, 8 y 9 de payares. El Salón d’Actos de la Facultá de Filosofía y Lletres de la Universidá d’Uviéu va acoyer l’actu y, anque ye de baldre, les persones matriculaes van recibir un certificáu acreitativu.
Mientres estos trés díes, dellos y delles investigadores van ufiertar conferencies y comunicaciones alredor de la llingua asturiana, con nomes como Paquita Suárez Coalla, Andrés Fernández o Raquel Fernández-Menéndez, siendo estos dos últimos collaboradores de la revista Formientu.
