El próximu xueves, día 18 de noviembre de 2021, va producise a las 19,30 h. nel Salón de Los Reis del Ayuntamientu de Llión, la presentación de la obra Los Reis de Llión, un percorríu per tolos monarques del Reinu de Llión escritu dafechu en llingua llionesa pol presidente de Faceira ya historiador, Ricardo Chao Prieto y acompañada poles ilustraciones con sabor medieval del tamién compañeru de la nuesa asociación, Ricardo Escobar Espiniella, que yá ilustrara obres anteriores tan representatives como Llión en RutaLlión Máxicu ou Esbardu, vocabulariu llionés ilustráu.

Quiciabes seya’l de Llión el reinu más esquecíu de tola Edá Media hispana. Mesmo puede dicise d’una de les sos llingües patrimoniales, l’asturllionés (nomáu llionés en Llión, asturianu n’Asturies, y mirandés na Tierra de Miranda portuguesa). Sicasí, el reinu y corona de Llión foi’l más extensu ya importante de la Península Ibérica a lo llargo de varios sieglos. Prueba d’ello ye que d’él acabarían surdiendo los reinos de Castiella y Portugal. Los sos veinti reis y reines cuasi siempres manexaron y controlaron la política hispana, en permanente conflictu con al-Ándalus.