El vienres 5 a les 19:00 hores na Llibrería Cervantes d’Uviéu (C/ Dr. Casal, 9) va tener llugar la siguiente presentación del nuevu númberu de la revista na capital, un númberu especial que recueye una variada esbilla de testos de los y les participantes del #FormientuEnCasaFest, ún de los festivales online más llargos d’Europa mientres el confinamientu.

Na presentación va tar l’ex director y editor de la revista Inaciu Galán, en representación de Cuatro Gotes Ediciones; la nueva codirección de la publicación: Diego Solís y Claudia Elena Menéndez, amás de dellos autores presentes na revista como Gonzalo Llamedo, Alma Hidalgo o Raúl Alonso, que van facer una breve llectura de poemes.