La cultura inmaterial ye importante caltenela. Y con esi oxetivu ta acabante de nacer Hesperia, una asociación moza que busca promover la cultura inmaterial que caracteriza a la península ibérica en toles sos espresiones. L’asociación tien como prioridá concienciar sobre’l valir del patrimoniu y dar voz a nuevos investigadores y creadores.
Nesti sen, naz la revista Paradiso nes aules de la UCM, un proyectu que surde cola intención de ser un puntu d’alcuentru ente humanistes y creadores, pero que busca espardese per tol territoriu peninsular. Pa ello, abrieron convocatoria pa esta revista cultural y lliteraria, que remata’l día 14 de mayu.
A ella pueden presentase obres n’asturianu, amás d’en castellán, portugués, euskera, aranés, catalán, gallegu, aragonés y valencià. Acéptense obres d’ensayu, poesía, teatru, narrativa breve, ilustración y fotografía.
