L’Institutu Asturianu de la Mocedá publicó va unos díes la convocatoria de los premios Culturaquí, destinaos a xente mozo menor de 35 años, onde s’inclúin los premios Asturies Xoven de Poesía, Narrativa y Testos teatrales. L’oxetivu d’esti programa ye ufiertar la posibilidá de topar un calce nel que tengan cabida disciplines artístiques heteroxénees y dende el cual la mocedá creadora asturiana tenga la oportunidá d’algamar reconocencia del públicu y de los medios.
Van poder presentase persones moces nacíes n’Asturies, o residentes nel Principáu d’Asturies o descendientes hasta segundu grau de persones emigrantes asturianes, que la so edá nun supere los 35 años a 31 d’avientu de 2025, a títulu individual o dientro de colectivos.
La dotación pa esta convocatoria ye de nueve mil euros (9.000 €) al premiu “Asturies Nuevu de Poesía, Narrativa y Testos Teatrales” consistente nun premiu en metálicu de trés mil euros (3.000 €) pa cada modalidá y na publicación de los llibros.
