El Conceyu de Xixón ta acabante de dar anuncia del programa Ente fueyes Ochobre Lliterariu, una iniciativa que coloca nel centru a la lliteratura asturiana. Esti proyectu faise en collaboración cola Academia de la Llingua Asturiana y el Mercáu Artesanu y Ecolóxicu. Mientres los díes 2, 10, 12, 13, 17, 19 y 26 d’ochobre, la lliteratura va enllenar dellos espacios de Xixón.
2 d’ochobre – Patiu CCAI, Xixón – 19:00 hores
Carlos Alba «Cellero» va presentar Les madreñes vacíes, obra ganadora del VI Premiu Nel Amaro de Teatru profesional n’asturianu.
10 d’ochobre – Sala de conferencies del CCAI, Xixón – 19:00 hores
Marta Mori va presentar el so últimu poemariu, Los carreros del tiempu, obra premiada col XXVIII Premiu Xuan María Acebal de Poesía.
12 y 13 d’ochobre – Plaza Mayor de Xixón – Tol día
El Mercáu artesanu y ecolóxicu de Xixón organiza delles actividaes al rodiu de la lliteratura, como cuentacuentos o talleres, ente otros.
17 d’ochobre – Sala de conferencies del CCAI, Xixón – 19:00 hores
David Guardado presenta Nunca vencida, una idea d’Asturies, obra que fai un repasu a la representación d’Asturies a lo llargo de los sieglos.
19 d’ochobre – Sala de conferencies del CCAI, Xixón – 19:00 hores
L’escritor Paco Álvarez y el músicu David Varela van llevar a cabu’l so espectáculu Fierro, carbón y metralla. Música y lletres pa una tarde ensin interné.
26 d’ochobre – Vestíbulu 2º pisu Escuela de Comerciu, Xixón – 19:00 hores
L’Academia de la Llingua Asturiana va presentar la edición númberu 39 de la so revista Lliteratura.
