La Biblioteca de la Universidá d’Uviéu, por cuenta de la celebración del 250 aniversariu de la so apertura al públicu, convoca’l Concursu de rellatos curtios “BUO”, abiertu a cualesquier persona mayor d’edá y siempres que la temática de los rellatos tea rellacionada cola Biblioteca de la Universidá d’Uviéu.
Los rellatos, n’asturianu o en castellán, tienen de ser inéditos y non premiaos n’otros concursos y cada participante va poder presentar un máximu de dos rellatos, que nun pueden tener más 500 pallabres.
Les obres podrán apurrise en formatu papel o en formatu lletrónicu a accesoabierto@uniovi.es col asuntu «Concursu de rellatos curtios ‘BUO'» hasta’l 31 de xineru de 2020.
El xuráu va tar compuestu por: Ana María Cano González, Catedrática de Filoloxía Románica, María Soledad Díaz Carril, Bibliotecaria, y Aurelio González Ovies, Profesor Titular de Filoloxía Llatina. Va Actuar como presidenta Ana María Cano González, con votu calidable en casu d’empate. El fallu del xuráu va producise’l 17 de febreru de 2020 y va ser comunicáu a toles persones participantes y espublizáu en DUO.
Establécense dos premios, consistentes en llotes de llibros y visites guiaes al edificiu hestóricu de la Biblioteca.
