Esti martes viniente, 5 de xuntu, la escritora Adelaide Montero presenta’l llibru «Cumo quien pica un palo», obra escrita na variedá mirandesa del asturllionés. L’actu va tener llugar na Casa de la Cultura, asitiada en Miranda dl Douro. El llibru edítalu Âncora Editorial y va cuntar nel actu con Alcides Meirinhos.
Adelaide Monteiro (Speciosa, Miranda, 1949) Estudió en Miranda, en Mozambique i en Lisboa. Foi profesor de secundaria dende 1973, nel área de Contablidá y Xestión, hasta la so xubilación. Al empar de profesora, pinta dende 1990, faciendo esposiciones, sobre too en tierres del distritu de Bergáncia. Trabayó en Mozambique, Macedo de Cabalheiros, Chabes, Mirandela y en Gama Barros. Ell mirandés foi la so primer y única llingua hasta qu’entró na escuela y deprandió’l portugués. Va unos diez años entamó a escribir en mirandés en blogues y en 2010 editó’l llibru «Antre Monas i Sbolácios» cola editorial Zéfiro.
