Nel marcu de la 41 Selmana de les Lletres Asturianes, la Dirección Xeneral de Planificación
Llingüística y Normalización y l’Institutu Asturianu de la Mocedá entamen la quita edición del «Entaína a escribir», concursu de microrrellatos improvisaos n’asturianu pa la xente mozo ente 14 y 35 años, que s’inscriban unviando un corréu a cridj@asturias.org.
Nesi corréu tendrán d’incluyir namás el so nome, dos apellíos y fecha de nacencia. Les inscripciones van poder facese hasta’l 28 de setiembre del 2020 a les 14.00 hores.
El concursu va consistir na ellaboración d’un microrrellatu nun tiempu máximu de 20 minutos, a partir del tema y indicaciones que’l xuráu dicte nel momentu d’empezar a
escribir.
L’actu va tener llugar na sala Borrón (cai Juan Benito Argüelles, 3, Uviéu) el día 29 de septiembre de 2020, a partir de les 19.30 hores.
Toles persones participantes van recibir un llibru como regalu y van concedese trés premios consistentes en llotes de llibros y discos. Otra manera, la Dirección Xeneral de Planificación Llingüística y Normalización va mirar pola promoción y divulgación de los microrrellatos ganadores y va poder incluyilos en publicaciones o antoloxíes qu’edite.
| Edición | 1er Premiu | 2u premiu | 3er premiu |
|---|---|---|---|
| 2016 | Inaciu Galán por «La fin de la pasión» | Raquel F. Menéndez por «You nun conozo…» | Solinca Turbón por «Yá lo dicía…» |
| 2017 | Raquel F. Menéndez por «Yá lo dicía…» | Inaciu Galán por «La nuesa conexón» | Solinca Turbón por «L’amor» |
| 2018 | Inaciu Galán por «Una vida de luxu» | Ánxela Gómez por «Camuda’l coral» | Claudia Gutiérrez Lueje por «Que bien…» |
| 2019 | Xurde Menéndez Caravia | Claudia Gutiérrez Lueje | Inaciu Galán |
