La Conseyería de Salú d’Asturies ta acabante de dar anuncia de la convocatoria del que va ser el I Concursu de cómic Salú Mental coles mires de xenerar espacios de reflexón y participación, especialmente de la población más mozo. Pretende amosase la realidá de los mozos, la so visión sobre la salú mental, contribuyir a la promoción y defensa de los derechos de ciudadanía de les persones con problemes de salú mental, sensibilizando contra l’estigma que los arrodia, mesmo qu’amosar esperiencies positives nel abordaxe de cuidu de la salú mental y actitúes sociales que contribuyan a ameyorar la calidá de vida d’esti colectivu.
Van poder participar persones de cualquier edá (menores d’edá con autorización paterna, materna o tutor llegal), de cualquier nacionalidá, residentes nel Principáu d’Asturies, siempres que les obres que se presenten afacer al conceutu comúnmente aceptáu de cómic, tean escrites n’idioma castellanu, n’asturianu o en eonaviego, seyan orixinales, rigorosamente inédites y nun fueren premiaes enantes en nengún otru concursu, nin
correspuendan a autores finaos con anterioridá a la presentación de la obra a esti Premiu.
Les bases completes d’esti concursu pueden consultase calcando nesti enllaz.
