La Conseyería de Cultura, Política Llingüística y Deporte convocó los gallardones lliterarios y artísticos que distinguen les meyores obres en llingua asturiana y n’eonaviegu en cuatro disciplines, les que faltaben d’ente tolos premios que convoca la conseyería. Les bases de los premios colos que Cultura apuesta pol usu y promoción de les llingües propies del Principáu, publicáronse güei nel Boletín Oficial del Principáu d’Asturies (Bopa).
El plazu pa presentar les creaciones lliterarias y artístiques va permanecer abiertu 30 díes naturales, hasta’l 27 d’abril. Estos son los reconocimientos convocaos pol Gobiernu d’Asturies:
Premiu de cómic «Alfonso Iglesias»
Se podrán presentase cómics con proyectu rematáu de, a lo menos, cincuenta páxines o propuestes que’l so proyectu inicial tenga una estensión mínima de quince páxines y nesi casu l’autor o autora va comprometese, per aciu declaración responsable, a presentar el cómic completu con una estensión mínima de cincuenta páxines con anterioridá al 1 d’avientu de 2025.
Premiu de lliteratura infantil y xuvenil «María Josefa Canellada»
Concesión del premiu a una obra de lliteratura xuvenil escrita en llingua asturiana, pertenecientes a cualquier xéneru lliterariu, y con una estensión mínima de 25 poemes (o de 250 versos si ye una cantidá inferior de poemes), si ye de poesía, o de 30 páxines escrites a doble espaciu y lletra de 12 puntos Times New Roman (o similar) pa los demás xéneros. Les obres, orixinales, de tema, xéneru y estructura llibres, han ser inédites y non premiaes n’otros concursos.
Premiu de poesía «Xuan María Acebal»
Concesión del premiu a poemarios escritos en llingua asturiana con una estensión mínima de 25 poemes o, de ser una cantidá inferior de poemes, con una estensión mínima de 400 versos. Les obres, orixinales, de tema y estructura llibres, han de ser inédites y non premiaes n’otros concursos.
Premiu de novela «Xosefa Xovellanos»
Concesión del premiu a una novela escrita en llingua asturiana con una estensión mínima de setenta y cinco páxines a doble espaciu y lletra de 12 puntos Times New Roman (o similar). Les obres, orixinales, de tema y estructura llibres, han ser inédites y non premiaes n’otros concursos.
