L’Asociación Cultural “Valentín Andrés”, de Grau, convoca’l XXIX Concursu Internacional de Cuento “Valentín Andrés”, nel que van poder participar cuantes persones asina la deseen, sacantes quien resultaren ganadores del primer premiu n’anteriores ediciones del mesmu.
El concursu va tar dotáu colos siguientes premios con dos premios, el primeru dotáu con 1.000 euros, diploma y publicación del cuentu y el segundu, con 400 euros, diploma y publicación del cuentu. El premiu va poder ser declaráu ermu o estremase, a xuiciu del xuráu.
La tema va ser llibre y podrá tar redactáu n’asturianu o castellán. Los cuentos han presentase por quintuplicáu, en lletra Times New Roman, 12 puntos, a doble espaciu, tamañu Din A4 y van tener una estensión máxima de cinco páxines per dambos llaos o diez por una sola cara.
Los cuentos han llevar títulu y van dir roblaos con nomatu, acompañaos d’un sobre zarráu. Nel esterior d’esi sobre ha figurar el nomatu y nel interior el títulu del cuentu amás de los datos personales del participante: nome, apellíos, casa, teléfonu y corréu lletrónicu, pa la so posible llocalización.
Nun se van almitir cuentos unviaos per corréu lletrónicu. Los participantes namás van poder llograr un premiu.
Los cuentos van haber d’unviase a l’Asociación Cultural Valentín Andrés (Apartáu de Correos 7, 33820 Grau, Asturies), o al Conceyu de Grau, faciendo constar
nel sobre: XXIX Concursu de Cuento Valentín Andrés.
El plazu d’almisión d’exemplares va quedar zarráu’l día 30 d’Abril de 2021, siendo válida la fecha del matasellos de correos. El cuentu he de ser orixinal, nun ser espublizáu primeramente y nun resultar ganador en nengún otru certame lliterariu con antelación al fallu del xuráu del presente concursu.
Los premios van apurrir mientres la seronda del presente añu. Los cuentos premiaos van pasar a ser propiedá de la Organización, que s’acuta’l drechu de la publicación al traviés de los medios que considere oportunos y ensin enfotu d’arriquecimientu. Los exemplares ensin premiar van ser destruyíos pola Organización darréu al fallu del xuráu.
Más información: www.ava.valentinandres.es / acvalentinandres@yahoo.es
